Ta Rangatira Tamati Muturangi Reedy

‍

Aue! ko nga roto punawai o Hine-Takawhiti e karekare mai ra i runga o Hikurangi e.

Kei raro iho ko te pae tapu o Te Ahi-a-te-Atua e hotuhotu mai ra ko te toka tapu o Pa-Pohatu

‍

He Atua, he tangata!

He Pou Matauranga

He Pou Tangata

He Pou Whakakitenga

‍

E turuturu ake nei nga roimata a to Runanga ki a koe i te ra nei.

Nga moemoea me nga tumanako a to iwi i kawe e koe ki taumata kee.

I ekeina e koe te ara piki, ki te Tipi-o-Taikehu.

‍

I raraungia e koe nga tohutohu i whakarerea mai io mātua.

Mai i to ngakau humarie i tuari ia e koe au kitenga ki to iwi.

Haere ki to waka e whanga mai ra ki a koe mai i nga paripari o Hine-Takawhiti, he kawe ia koe ki to hoa ki a Tilly, a, ki o rahi, oti ra ki te tini te mano e whanga mai ra mohou.

‍

He kupu whakamutunga “”-E kore te aroha e mimiti”

‍