|
|
PROJECT BACKGROUND
Ko tenei korero e pa ana ki te pukapuka rongonui nei, ara Nga Tama Toa: The Price of Citizenship. Kei te whakamaoritia nga korero, a, ko Te Runanga o Ngati Porou kei te whakahaere i te kaupapa nei, i raro ano o te mana i tukua mai e nga morehu o C Company o Nga Taonga a Nga Tama Toa Trust.
Ko te reo ake o nga iwi o Te Tairawhiti te reo e whaia ana. Kei te rekoatatia nga korero, a, kei te whakaahuatia hoki nga wananga nei i tenei paetukutuku tonu.
Ka whakamaoritia nga korero kua putu ki roto i te pukapuka nei, kia mau tonu ai te ia me te mita o nga reo o nga iwi o C Company, hei taonga tuku iho ma nga uri whakatipu. Ko te reo, ko nga reo ake o Te Whanau a Apanui, Ngai Tai, Te Aitanga a Mahaki, Rongowhakaata, Ngai Tamanuhiri me Ngati Porou. I whakaarohia me whakahaere nga korero kua whakamaoritia hei kura wananga, a, hei wenei wananga ka puta nga uiui me nga whakautu mo nga take e pa ana ki nga whakamaori kua oti.
He painga ka puta i nga wananga nei mo nga tauira o Te Tairawhiti whanui e hiahia ana ki te ako me te pupuri i te reo ake o konei hei taonga mo ake tonu.
Ko nga putea awhina no te kaupapa ‘E Tipu e Rea’ ara, he kaupapa i whakaritea i waenganui o Te Runanga o Ngati Porou me Te Tahuhu o Te Matauranga.
Hoki mai ano kia matakitaki mai, kia whakarongo mai, kia wananga ai i tenei wananga whakahirahira rawa atu!
Mo wetahi atu whakamarama, whakapa atu ki a Lilian Baldwin Tangaere 06 8649004,
ki runga imeera ranei 
|
|
